Blog-a

ESKOLAKO AGENDA 2030: UDAL DIAGNOSTIKOAK


Eskolako Agenda 2030 programan (lehen Eskolako Agenda 21) parte hartzen duten ikasleak urtarrilean hasiko dira udal diagnostikoak egiten, Garapen Iraunkorreko Helburuen eta plastikoen gaiaren inguruan.
Diagnostiko horien bidez, ikasleek Getxo gero eta iraunkorragoa eta berdeagoa lortzeko konpromisoen eta proposamenen zerrenda egingo dute. Beti bezala, ekaina aldera jakingo ditugu egindako lanaren emaitzak. Animo talde!

...

Sigue leyendo


GURE INFORMAZIO-BULETINAREN EDIZIO BERRIA!

Urtean bitan, Ingurumen Aretoan izan dugun jardueraren errepasoa egitea gustatzen zaigu. Hori guztia informazio-buletin txiki batean laburbiltzen dugu. Buletin hori posta elektronikoz bidaltzen diegu gure Aretoko lagun gisa harpidetu diren pertsonei. Hauei ere, hilero bidaltzen dizkiegu gure ekintzak eta albiste ezberdinak.

Oraindik ez baduzu gure buletina jaso, ondorengo estekan ikus dezakezu eta egiten dugun apur bat ezagutu: KLIK!

Gainera, gogoan izan Aretoko lagun egin zaitezkeela edozein unetan: Ingurumen Aretoa bisitatzera gonbidatzen zaituztegu, astelehenetik ostiralera, 10: 00etatik 14: 30era eta 15: 30etik 17: 30era, edo asteburuetan 10: 00etatik 14: 00etara! Horrela, ekipamenduan egiten ditugun jarduera guztiei buruzko informazioa emango dizugu!

...

Sigue leyendo


"CO-WORKING"-erako espazio berria Ingurumen Aretoan

Getxoko Ingurumen Aretoak gune berri bat du coworking-erako. Helburua da herriko elkarte getxotarrek edo partikularrek Getxoko ingurumenarekin zerikusia duten gaiak lantzeko gune bat izatea. Espazioa Baliabide Zentroan prestatu da, eta, horri esker, tokian bertan kontsultatu ahal izango dira tokiko edo eremu orokorragoko dokumentu eta lan ugari.

Hasiera batean, Co-Working edo kolana pertsonek (elkarteak, profesional independenteak, ekintzaileak, ETEak, etab.) lan-eremu bera izatea ahalbidetzen duen lan-modu bat da, beren proiektu profesionalak garatzeko eta, aldi berean, proiektu bateratuak sustatzeko.

Ingurumen Aretoaren kasuan asmoa da:
- Tokiko hainbat eragilek (partikularrek edo elkarteek) topaketak egitea, baldin eta horien jarduera-eremua ingurumen-gaiekin lotuta badago.
- Ikasleek (batxilergoak edo Lanbide Heziketakoak batez ere) proiektu akademikoak garatu ahal izatea.
- Enpresa txikiak edo autonomoak, ingurumenarekin zerikusia dutenak (ekoizleak, produktu ekologikoen dendak edo tokiko merkataritza, adibidez), elkarrekin elkartu eta proiektuak garatu ahal izatea.

Erabiltzeko......

Sigue leyendo


Dortokentzako putzua, Ingurumen Aretoan inauguratutako baliabide berria

Ingurumen Aretoak beste baliabide bat du, udal ekipamendu horretan dortokentzako putzu bat inauguratu berri baita. Espazio berri horri esker, udalerriko hezeguneetatik ateratako aleak, hala nola Bolueko hezegunetik, erdi-askatasunean kontrolatutako espazio batean bizi daitezke.

Bestalde, nahiz eta herritarrak gero eta gehiago jabetzen diren animalia horiek egiten duten kalteaz eta natura-ingurunean gutxiago askatzen diren, etxean maskota horietako bat duten eta maskotaz arduratzeko gai ez diren pertsonei aukera ematen zaie animalia hori Ingurumen Aretora eramateko, naturan askatu beharrean, eta, hala, natura-ingurunean arazo larriak saihesteko. “Jakina, maskota baten ardura hartzen duen pertsona bakoitzak jakin behar du, maskota eskuratu baino lehen, izaki bizidun horren bizitza bere erantzukizuna dela; beraz, bere beharren, bizitza-luzeraren eta berezitasunen berri izan behar du, eta ziur egon behar du bere ardura hartu ahal duela animaliaren bizitza osoan. Bistan denez, plan horiek aldatu egiten dizkiguten egoerak sortzen dira bizitzan,......

Sigue leyendo


IBILBIDE GIDATUEKIN BUELTATUKO GARA

Lagun talde bat zara edo elkarteren bateko kide zara? Agian interesatuko zaizu jakitea Getxoko Ingurumen Aretoan berriro ibilbide gidatuak egingo ditugula. Bolueko hezegunea eta Santa Coloma ermitaraino ibilbideaz gain, beste ibilbide bat gehitu egin dugu, Gobela ibaiaren kontserbazio-egoera, historia eta bilakaera hobeto ezagutzeko. Ibilbideak doakoak dira eta asteko edozein egunetan egin daitezke, izena eman ondoren. Zuen zain gaude!

...

Sigue leyendo


#GETXOHEGAZTIAK LEHIAKETAREN ARGAZKI IRABAZLEAK

Oso zaila izan da bi argazki bakarrik aukeratzea, maila benetan altua izan delako, baina hauek dira #getxohegaztiak argazki lehiaketaren irabazleak:
- 16 urtetik gorako kategoria: Pablo Pérez eta erregetxo bekainzuriaren argazkia.
- 16 urtetik beherakoen kategoria: Haizea de Frutos, elementu naturalekin egindako habia.
Berehala jarriko gara harremanetan produktu ekologikoen saskiak jaso ditzazuen.
Eskerrik asko parte hartu duzuen guztioi. Gogoratu aurkeztutako argazki guztiak gure sare sozialetan ikus daitezkeela.

...

Sigue leyendo


Ibaialde programaren aldi baterako erakusketa berria

Kutsadura atmosferikoa, aldaketa klimatikoa, habitaten suntsipena, gehiegizko kontsumoa eta baliabideen agortzea, ezberdintasun sozialak… gure planeta orain ezagutu ez duen erronka baten aurrean aurkitzen da. Gizakiok gure gain hartu beharreko erronka da hau, arazoaren arrazoi nagusia eta bakarra baikara. IBAIALDE ERAKUSKETAren 12 panelek ibai-ekosistemaren sekretuak azaltzen dizkigute, baita “ibaia” etorkizunerako jasangarritasun erronken ardatz moduan aurkeztu ere. Urriaren 21era arte bisitatu daiteke.

...

Sigue leyendo


HEZKUNTZA-PROGRAMAREKIN ITZULI GARA

Irailaz geroztik, ikasle-taldeak eta hainbat elkartetako taldeak bisitatzen ari zaizkigu, egoera berrira egokitutako Ingurumen Aretoko hezkuntza-programetako bat gauzatzeko. Joan den astean Haitzuriko ikasleek bisitatu gintuzten eta hainbat jarduera egin genituen, besteak beste, Ur-Tailerrak. Haur Hezkuntzako eta Lehen Hezkuntzako haurrei zuzendutako esperimentazio-tailerrak dira, eta, horien bidez, uraren propietate desberdinak ez ezik, uraren zaintzaren garrantzia ere lantzen dugu.
Aste honetan, gainera, hainbat ibilbide egingo ditugu elkarte desberdinekin, hala nola, Gobela ibaiaren historia eta egoera ezagutzeko ibilbidea.
Ikastetxeren batean lan egiten duzu edo elkarteren bateko kide zara eta gure hezkuntza-programan parte hartu nahi duzu? Ez izan zalantzarik, jarduera eskaintza zabalaz gain, proposamen berrietara irekita gaude.

...

Sigue leyendo


ALDI BATERAKO ERAKUSKETA BERRIA: BOLUEKO HARANA ETA HEZEGUNEA, IRUDIZ BETERIKO ISTORIOA

Bolue arana eta hezegunea, irudiz osatutako istorioa

Bolueko arana eta hezegunearen historiarekin, biodibertsitatearekin, bilakaerarekin eta kontserbazio-egoerarekin lotutako hainbat alderdi jorratzen dituzten hainbat argazki eta ikus-entzunezkok osatutako aldi baterako erakusketa berri bat da. Horien bidez, alderdi historikoak - errota industriaren iragana, adibidez-, biodibertsitatearekin lotutako beste alderdi batzuk eta azken hamarkadetan Bolueko hezegunean egindako udal-jarduera batzuk ezagutaraziko dira. Horretarako, argazki zaharrez gain (kasu batzuetan inguruko bizilagunek utzi dituzte, eta eskerrak eman nahi dizkiegu erakutsi duten jarrera eta laguntzagatik), hainbat animalien bideoak -2020. urtean fototranpeo kamerekin lortutakoak- eta 1997an hezegunea zaharberritzeko egindako lanen irudiak dituzten gardenkiak ikusi ahal izango dira. Era berean, inguru horretan egindako hainbat lan, azterlan eta inbentario kontsultatu ahal izango dira, bai eta 40eko hamarkadatik jasotako eremuetako irudi-bilduma bat ere, agian pertsona batzuentzat hain ezaguna ez den Getxoko txoko hau hobeto ezagutzen lagunduko digutenak. Irailaren 20tik urtarrilaren......

Sigue leyendo


BALIABIDE-ZENTROA BERRIRO IREKI DA

Martxan gaude berriro!
Hezkuntza programarekin eta asteburuetako jarduerekin itzultzeaz gain, Baliabide Zentroak ateak irekiko ditu berriro. Dakizuenez  ingurumen aretoan jorratzen diren gaien inguruko dokumentazio iturri ugari eta anitzak daude, hots, garapen iraunkorraren eta biodibertsitatearen kontserbazioaren ingurukoak. Aipamen berezia merezi dute gure udalerriarekin lotutako hainbat alderdi aztertzen dituzten zenbait lan (Getxoko itsasertzeko ingurunea, hezeguneari buruzko lanak etab.).
Lan hauek edonorentzat eskuragarri daude. Katalogoa ikusteko sakatu KATALOGOA.

ORDUTEGIA

Astelehenetik ostiralera: 10:00-etatik 14:00-tara eta 15:30-tatik 17:30-tara.
Asteburu eta jaiegunak: 10:00-etatik 14:00-tara.
Abuztuan itxita.

...

Sigue leyendo


Página 1 de 912345...Última »