Blog-a

ASTE SANTURAKO JARDUERAK

Dakizuenez, oporraldi honetan Ingurumen Aretoa irekita egongo da. Egun hauetarako, publiko guztiei zuzendutako jardueren eskaintza prestatu dugu. Gainera, apirilean, bi jarduera autogidatu berri estreinatuko ditugu.


Lehenengoa orienting motako jarduera da, eta horren helburu nagusia da mapa bat interpretatzen eta iparrorratz bat erabiltzen ikastea, eta, horretarako, ibilbide bat garatzea, udalerriko ingurumen-alderdi edo alderdi historiko batzuk hobeto ezagutzeko.


Apirilean estreinatuko dugun bigarren jarduera Sendabelarren, landare usaintsuen eta sukaldaritzako landareen lorategiaren ingurukoa da. Lorategi hori berriki inauguratu da, Bihurtuz elkarteak eraikitako baratze ingurutik gertu. Jarduera honetan, txikiek zein helduek parte har dezakete, eta hainbat jarduera planteatzen dira, landare horien ezaugarri eta erabilera batzuk hobeto ezagutzeko.
Zuen zain gaude!

...

Sigue leyendo


GETXOKO ESKOLAKO AGENDA 2030EKO JARDUNALDI TEKNIKOA

Ostegun honetan, martxoaren 18an, Agenda 2030 eskola-programaren jardunaldi teknikoa egingo da. Programan parte hartzen duten 11 ikastetxeek eta gure ingurugelakieak (Beatriz) parte hartuko dute. .

Hitzaldien artean, Joseba Arregi Ingurumen zinegotzia (udal diagnostikoetan ikasleei sortu zaizkien zalantza batzuei erantzungo die) eta Indumetal Recycling enpresako Ainhoa Urkitza egongo dira. Azken hitzaldi honetan, Ainhoak kontsumo arduratsuarekin, ekonomia zirkularrarekin eta plastikoen arazoarekin, lotutako aurkezpen bat egingo du, eta horretaz gain, Getxon gauzatzen ari den eta ikastetxeak atxiki daitezkeen proiektu bat aurkeztuko digu: CIR4LIFE proiektua. Informazio gehiago duzu esteka honetan: https://www.circ4life.eu/demos-getxo

Ikasturte hau ez dator bat gainerakoekin. Alde batetik, agerikoa da pandemiaren eragina, besteak beste, aurten jardunaldia telematikoki ospatzera behartu gaituelako. Bestalde, trantsizio-urtea da, aurreko Agenda 21etik Agenda 2030 berrira, eta horrek aldaketa batzuk dakartza programaren martxan. Beraz, aurten inoiz baino gehiago, zorionak eta eskerrik asko......

Sigue leyendo


BIZITZA BASATIAREN MUNDU EGUNA

Gaur #BizitzaBasatiarenMunduEguna da.
Ingurumen Aretotik ospakizun honekin bat egin nahi dugu, asteburu osoan zehar jende guztiarentzako jarduerak antolatuz. Horretaz gain, Baliabide Zentroak gaiarekin lotuta egindako lan batzuk ezagutarazi nahi ditugu, hala nola "Bolueko hezegunearen jarraipen faunistikoa", 2017koa, Bolue Ingurumen Ikerketak erakundeak Getxoko Udalarentzat egindakoa. Bereziki, egindako lana eskertu nahi genion Xabier Buenetxeari.

Egun honen ospakizunari buruzko informazioa bilatuz gero, oso deigarria egin zaigu datu bat: giza jarduera desberdinen ondorioz, milioi bat animalia eta landare espezie desagertzeko arriskuan daude. Gogoratu planetari laguntzeko ematen dugun pauso txiki bakoitza garrantzitsua dela.

...

Sigue leyendo


INAUTERIETAKO TXIKI TAILERRAK

Asteburu honetan, txiki tailerrean parte hartu duten haurrek beren maskarak egin ahal izan dituzte, kartoia eta arrautzak berrerabiliz. Primeran pasatzeaz gain, txikitatik kontsumo arduratsua egiteko beharraz hausnartu dugu, kontsumo arduratsua ingurumena zaintzeko bitarteko gisa defendatuz.

Dakizunez. txiki tailer horiek, Ingurumen Aretoan antolatzen ditugun gainerako jarduerak bezala, doakoak direla, baina aldez aurretik izena eman behar da. Antolatzen ditugun jardueren berri izaten lehenetarikoa izan nahi baduzu, Aretotik pasa zaitez eta Ingurumen Aretoko lagun egin, antolatzen ditugun jarduerei buruzko informazio guztia jasoko duzu.

...

Sigue leyendo


HEZEGUNEEN MUNDU EGUNA

Gaur Hezeguneen Mundu Eguna ospatzen da. Azken mendeetan gizakiak okerren zaindu duen ekosistemetako bat da.
Bolueko hezegunea, balio ekologiko handia duela eta, EAEko Hezeguneen Lurralde Plan Sektorialean sartuta dago, II. taldean.
Gure Baliabide Zentroan, aldez aurretik izena emanda asteko edozein egunetan bisita daitekeena, gaiari buruzko hainbat lan aurkituko dituzu.

...

Sigue leyendo


GETXOKO IKASLEAK ESKOLAKO AGENDA 2030 PROGRAMAREN  UDAL DIAGNOSTIKOAK EGITEN HASI DIRA!

Ikasturte honetan dakizuenez, Garapen Iraunkorreko Helburuak dira gai nagusia, Stop Plastikoak eta kontsumo arduratsua gaiarekin lotuta. San Nikolas ikastolako ikasleek lehen diagnostikoa egin dute herriko kaleetan, eta aste honetan Santísima Trinidad ikastetxeko ikasleen txanda da. Aurten ikasleek hainbat inkesta egingo dizkiete herritarrei eta herritarren kontsumo-ohiturak aztertuko dituzte. Gainera, aztertuko da zer egiten ari den Udala Garapen Iraunkorrerako Helburuen alde eta kontsumo arduratsua sustatzearen alde, horretarako udal ekipamendu eta zerbitzuetara bisitatuz edo telefono-deiak eginez. Animo talde! Aurrerago emaitzak ezagutuko ditugu.

...

Sigue leyendo


ESKOLAKO AGENDA 2030: UDAL DIAGNOSTIKOAK


Eskolako Agenda 2030 programan (lehen Eskolako Agenda 21) parte hartzen duten ikasleak urtarrilean hasiko dira udal diagnostikoak egiten, Garapen Iraunkorreko Helburuen eta plastikoen gaiaren inguruan.
Diagnostiko horien bidez, ikasleek Getxo gero eta iraunkorragoa eta berdeagoa lortzeko konpromisoen eta proposamenen zerrenda egingo dute. Beti bezala, ekaina aldera jakingo ditugu egindako lanaren emaitzak. Animo talde!

...

Sigue leyendo


GURE INFORMAZIO-BULETINAREN EDIZIO BERRIA!

Urtean bitan, Ingurumen Aretoan izan dugun jardueraren errepasoa egitea gustatzen zaigu. Hori guztia informazio-buletin txiki batean laburbiltzen dugu. Buletin hori posta elektronikoz bidaltzen diegu gure Aretoko lagun gisa harpidetu diren pertsonei. Hauei ere, hilero bidaltzen dizkiegu gure ekintzak eta albiste ezberdinak.

Oraindik ez baduzu gure buletina jaso, ondorengo estekan ikus dezakezu eta egiten dugun apur bat ezagutu: KLIK!

Gainera, gogoan izan Aretoko lagun egin zaitezkeela edozein unetan: Ingurumen Aretoa bisitatzera gonbidatzen zaituztegu, astelehenetik ostiralera, 10: 00etatik 14: 30era eta 15: 30etik 17: 30era, edo asteburuetan 10: 00etatik 14: 00etara! Horrela, ekipamenduan egiten ditugun jarduera guztiei buruzko informazioa emango dizugu!

...

Sigue leyendo


Página 1 de 1012345...10...Última »