ERAKUSKETAK


ERAKUSKETA IRAUNKORRA

Getxoko Ingurumen Aretoko erakusketa iraunkorrak udalerriko alderdi desberdinen inguruko informazioa biltzen du, herrigunearen ingurumen arazoak barne: hondakinak, mugikortasuna, energia, kontsumo iraunkorra…

Horretaz gain, erakusketa honetan azaldutako informazioa modu interaktibo batean osatzen da Tablet batzuen bitartez.


HELBIDEA

Larrañazubi auzoa, 12. B
48992 Getxo (Bizkaia)

ORDUTEGIA

Astelehenetik ostiralera: 10:00-etatik 14:00-tara eta 15:30-tatik 17:30-tara.
Asteburu eta jaiegunak: 10:00-etatik 14:00-tara.
Abuztuan itxita.




ORAINGO ALDI BATERAKO ERAKUSKETA

BOLUE HARANA ETA HEZEGUNEA, IRUDIZ BETERIKO ISTORIOA

Bolueko arana eta hezegunearen historiarekin, biodibertsitatearekin, bilakaerarekin eta kontserbazio-egoerarekin lotutako hainbat alderdi jorratzen dituzten hainbat argazki eta ikus-entzunezkok osatutako aldi baterako erakusketa berri bat da. Horien bidez, alderdi historikoak – errota industriaren iragana, adibidez-, biodibertsitatearekin lotutako beste alderdi batzuk eta azken hamarkadetan Bolueko hezegunean egindako udal-jarduera batzuk ezagutaraziko dira. Horretarako, argazki zaharrez gain (kasu batzuetan inguruko bizilagunek utzi dituzte, eta eskerrak eman nahi dizkiegu erakutsi duten jarrera eta laguntzagatik), hainbat animalien bideoak -2020. urtean fototranpeo kamerekin lortutakoak- eta 1997an hezegunea zaharberritzeko egindako lanen irudiak dituzten gardenkiak ikusi ahal izango dira. Era berean, inguru horretan egindako hainbat lan, azterlan eta inbentario kontsultatu ahal izango dira, bai eta 40eko hamarkadatik jasotako eremuetako irudi-bilduma bat ere, agian pertsona batzuentzat hain ezaguna ez den Getxoko txoko hau hobeto ezagutzen lagunduko digutenak.


INFORMAZIO GEHIAGO



AURREKO ALDI BATERAKO ERAKUSKETA

Getxoko Ingurumen Aretoan irailaren 20ra “Burdinaren garraioa” 5 panelez osatutako erakusketa egongo da ikusgai . Bertan, burdinaren garraioaren historiaren garapena, teknika anitzak eta prozedurak agerian jartzen ditu.

XIX. mendearen erdialdetik aurrera, minerala meategietatik itsasoraino eramateko garraiobide berriak eraikitzea izan zen meatze konpainiek egin behar izan zuten inbertsiorik handiena. Animalien ordez, makinak erabiltzen hasi ziren; besteak beste, plano inklinatuak, aire tranbiak eta trenbideak aipatu behar dira. Halaber, mineralaren zamaketa errazteko, lan garrantzitsuak egin ziren tona-kopuru handiko itsasontziak Bilboko Itsasadarrera sartu ahal izateko.

Getxon, gaur egun, industria horren aztarnak hainbat lekutan ikus daitezke, esate baterako Azkorri-Gorrondatxe hondartzan, non Labe Garaiko zepek eta industriaren  beste hondakin batzuek itxura hori eman dioten hondartzari.


INFORMAZIO GEHIAGO