Bizikletaren Mundu eguna dela aprobetxatuz, parte-hartzaileak euren bizikletarekin edo beste garraiobide iraunkor batekin etortzera animatuko ditugu, eta horrela egiten dutenei doako hamaiketako osasungarria emango zaie. Gainera, 6 urtetik gorako txikientzako sormen-tailer bat egingo dugu. Bertan, fruta-kutxa birziklatuak apainduko dira, ondoren bizikletetan saskiak egiteko erabili ahal izateko.
Bi txanda egingo dira: 10:30etatik 11:45etara eta 12:15etatik 13:30etara. Beharrezkoa da aldez aurretik izena ematea eta Ingurumen Aretotik baieztapena jasotzea.