Blog-a

"Getxoko hegaztiak" erakusketa iraunkor berria

Ingurumen Aretoko goiko solairuan (Baliabide Zentroko aretoan), gure udalerriko eta inguruko herrietako hegazti-espezieak biltzen dituen argazki-erakusketa egongo da ikusgai etengabe.
Getxoko ornitologo profesional eta zaleek ateratako argazkiak dira. Izenburu bera zeraman aldi baterako erakusketan parte hartu zuten, 2021ean.

Koartzatxo itzain, martin arrantzalea, zettia zettia edo benarriz nabarra erakusketa honetan ikusi ahal izango dituzun 20 hegaztietako batzuk baino ez dira. Gainera, gaia maite baduzu, ornitologiarekin lotutako hainbat lan in situ kontsultatuz osatu ahal izango duzu bisita, hala nola Getxoko inbentarioak, katalogo edo gida orokorragoak, etab.
Zuen zain gaude!
Ordutegia: 10:00etatik 14:00etara eta 15:30etik 17:30era astegunetan, eta 10:00etatik 14:00etara asteburuetan.

...

Sigue leyendo


MODA JASANEZINA

Ba al zenekien modaren industria munduko bigarren kutsagarriena dela? Ba al zenekien berotegi-efektuko isurketen % 10 baino gehiagoren eragilea dela?
Moda jasangarriagoa pratikatzeak uraren kontsumoa eta karbono-aztarna murrizten lagunduko luke, besteak beste.

Horretaz guztiaz hitz egingo dugu igandeko helduentzako tailerrean, eta, gainera, kamiseta zaharrak berrerabiltzen ikasiko dugu produktu berriak egiteko, hala nola kuxinak edo poltsak.

Eman izena 68883596 telefonoan edo info@ingurumenaretoagetxo.eus helbidean, ez da beharrezkoa aldez aurretik joskintzari buruzko ezagutzarik izatea.

...

Sigue leyendo


POSIBLE DA BESTE KONTSUMO MODU ARDURATSUAGO BAT: TRUKE-AZOKA

Azarorako antolatutako jardueren artean, hilaren 26an egingo den jarduera nabarmendu nahi dugu, truke-azoka, non aldez aurretik izena emanda parte har dezakezun.

Jarduera honen helburua kontsumo arduratsua sustatzea da, gure kontsumo moduak eragin eko-sozial handia baitu.

Besteak beste, baliabide natural asko xahutzea eragiten du, kasu askotan beharrezkoak ez diren gauzak ekoizteko, Lurraren gaitasuna gehiegi ustiatuz. Gainera, gure kontsumo-maila zuzenean lotuta dago sortzen dugun hondakin-kantitatearekin eta kutsadura-maila handiekin, eta horrek zuzenean eragiten die leku desberdinetako izaki bizidunei, eta biodibertsitatearen galera larria eragiten du, besteak beste.

Bestalde, askotan ez dugu erreparatzen zer lan-baldintzatan egin diren erabiltzen ditugun objektu edo produktu asko. Eta jakin gabe (edo jakin nahi izan gabe) erosketa horrekin haurren esplotazioan laguntzen ari gara, esate baterako.

Truke azoka partekatzeko gune bat izango da, gauzen balioa berreskuratzen, kontsumismoari buruzko gogoeta......

Sigue leyendo


Prest dugu azaroko programazioa!

Beti bezala, adin guztiei zuzendutako jarduerak daude, kasu guztietan doakoak direnak.
Hilaren 20an helduentzako tailerra antolatu dugu, Himakapeko Idoiak emana. 16 urtetik gorakoei zuzendutako tailer teoriko-praktiko honetan, berrerabilpenean eta birziklapenean oinarritutako moda jasangarriari buruz hitzegingo dugu. Tailerrean, janzten ez ditugun kamisetak berrerabiliko ditugu kuxin eta poltsa bat sortzeko.

Ez da beharrezkoa aldez aurretik joskintza ezagutzak izatea.
Animatzen zara?

...

Sigue leyendo


Bolueko hezegunean bizi den errekatxindor eme bat iberiar penintsulako alerik urtetsuena da eta munduko bigarrena

Bolueko hezegunean bizi den errekatxindor (Cettia cetti izen zientifikoa) eme bat, ezagutu eta datatutako espezie bereko alerik urtetsuena bihurtu da iberiar penintsulan eta bigarrena munduan, Euring-en, hegaztiak eraztuntzeko Europako programak koordinatzeaz arduratzen den erakundean, dauden erregistroen arabera. Oso arraroa da espezie horretako hegazti batek hainbeste urtez bizitzea. 11 gramoko batez besteko pisua eta 57 mm-ko hegaleko batez besteko tamaina ditu.

2012ko uztailaren 25ean jarri zioten eraztuna, Bolueko Ahalegin Iraunkorreko Eraztunketa Estazioan, Udalaren Ingurumen Sailak finantzatzen duena, eta ordutik, urtero harrapatu dute 2021era arte – berriz harrapatu zuten azken unea iazko urriaren 2an izan zen, Hegaztien Munduko Eguna zela-eta, hau da, eraztuna jarri eta 9 urte, 2 hilabete eta 7 egunetara –, hezegunearen hainbat lekutan (batez ere lezkadiaren ertzean kokatutako sareetan) eta urtaro guztietan; eta horrek adituei pentsarazten die inguru horretan bizi den hegaztia dela nagusiki. Gainera, sei aldiz......

Sigue leyendo


Baditugu #GETXOKOHEGAZTIAK LEHIAKETAKO IRABAZLEEN IZENAK!

Dagoeneko baditugu #getxokohegaztiak marrazki lehiaketa irabazi duten txikien izenak, Hegazti Migratzaileen Munduko Eguna dela eta antolatutako lehiaketa. Asko kostatu zaigu aukeratzea, maila oso altua izan delako. Gainera, 27 haurren marrazki pilo jaso dugu, eta parte hartu duzuen ume guztiei eskerrak eman nahi dizkizuegu. Eskerrik asko!!!

Lehen kategoria (4-9 urte): Haizea Rodriguez Gastón (5 urte)

Bigarren kategoria (10-15 urte): Ohiane Martí (12 urte)

Zuen saskia jaso dezakezue, nahi duzuenean, txikientzako produktu ekologikoekin.

Eskerrik asko bihotzez parte-hartzaile guztiei!

...

Sigue leyendo


Ibaialde programaren aldi baterako erakusketa berria

Kutsadura atmosferikoa, aldaketa klimatikoa, habitaten suntsipena, gehiegizko kontsumoa eta baliabideen agortzea, ezberdintasun sozialak… gure planeta orain ezagutu ez duen erronka baten aurrean aurkitzen da. Gizakiok gure gain hartu beharreko erronka da hau, arazoaren arrazoi nagusia eta bakarra baikara. IBAIALDE ERAKUSKETAren panelek ibai-ekosistemaren sekretuak azaltzen dizkigute, baita “ibaia” etorkizunerako jasangarritasun erronken ardatz moduan aurkeztu ere. Urriaren 19ra arte bisitatu daiteke.

...

Sigue leyendo


HAURRENTZAKO MARRAZKI LEHIAKETA: GETXOKO HEGAZTIAK

Hegazti Migratzaileen Munduko Eguna dela eta, haurrentzako marrazki-lehiaketa antolatu dugu. Bi kategoria izango ditu: 4 eta 9 urte bitarteko haurrentzat eta 10 eta 15 urte bitartekoentzat. Bietan marrazkien gaia “Getxoko hegaztiak” izango da nahitaez. Parte hartu ahal izateko marrazkiak info@ingurumenaretoagetxo.eus helbidera bidali behar dira, haurraren izena eta adina adieraziz, baita harremanetarako telefonoa ere. Marrazkiak Ingurumen Aretoko Sare Sozialetan argitaratuko dira.
Bi kasuetan saria produktu ekologikoen saski bat izango da. Marrazkiak urriaren 1eko 10:00etatik 12eko 14:00etara bidali ahal izango dira. Irabazleen izena urriaren 14an jakinaraziko da.

Egin KLIK  lehiaketaren oinarriak ikusteko

Anima zaitez eta parte hartu!

...

Sigue leyendo


AZTERKOSTA PROGRAMAREN ALDI BATERAKO ERAKUSKETA BERRIA

#Azterkosta programaren erakusketa Ingurumen Aretoan egongo da ikusgai urriaren 4ra arte. Hainbat informazio-panelek osatzen dute, eta modu grafiko eta erakargarrian erakusten dira itsasoarekin eta itsasertzarekin lotutako hainbat alderdi: natura, historia, ekonomia, kultura, etab. Oraindik ez duzu Azterkosta programa ezagutzen? #Aztertu programaren barruan dago, eta bere helburua ingurune naturala ezagutaraztea eta pertsonek inguru natural horrekin duten lotura ezartzea da, kostaldeko ekosistema modu aktiboan eta esperimentalean aztertuz. Informazio gehiago kontsulta dezakezu esteka honetan: KLIK!

...

Sigue leyendo


SAREA EHUNTZEN JARRAITZEN DA

Sarea ehuntzen jarraitzen da! 💪

Bizkaia SareBerdeak-ari esker, Argia Fundazioa eta Getxoko Ingurumen Aretoa harremanetan jarri ziren birziklatzearen inguruko tailer bat egiteko, zalantzak argituz eta hondakinek ingurumenean sortzen dituzten arazoak azalduz. Eskerrik asko ARGIA FUNDAZIOA ! Datorren astean, jarduera borobiltzeko, hondakinak transferitzeko planta eta Larrañazubiko zabortegi zaharra bisitatuko ditugu.

Elkarteren bateko kide zara eta ingurumen-jardueraren bat egin nahi duzu? Ez izan zalantzarik eta jarri harremanetan Ingurumen Aretoko taldearekin 688883596 telefonoan edo info@ingurumenaretoagetxo.eus helbidearen bidez.

Itxaron zaituztegu!

...

Sigue leyendo


Página 1 de 1612345...10...Última »