COP 16

Biodibertsitateari buruzko Nazio Batuen Konferentzia (COP16) Calin (Kolonbia) egingo da aurten, urriaren 21etik azaroaren 1era bitartean. Horrela, zerbitzu ekosistemikoei, biodibertsitatearen zereginaren ulermenari eta planetako bizimodu guztiei eusteko baliabide genetikoen erabilerari buruzko gizateriaren premiazko arazoak eztabaidatuko dira. Era berean, ikasturte honetan, Getxoko Agenda2030ean parte hartzen duten ikastetxeetako ikasleek GJH 15 landuko dute. Horren helburua lurreko ekosistemen bizitza babestea da, guztion artean planeta anitzagoa eta osasungarriagoa lortzeko.