ESKERRIK ASKO GUZTIEI!
Ingurune naturala ezagutarazteko ibilbide gidatuak, naturarekin berriro konektatzea bilatzen duten jarduerak, ingurumenari buruzko street escape jarduerak, txikientzako eko-jostailu eta eskulan jasangarrien tailerrak, helduentzako ikastaroak… 2023ko asteburu eta jaiegunetan Ingurumen Aretoan egin diren doako jarduera ugarien adibide batzuk baino ez dira. Publiko guztiei zuzendutako jarduera horien guztien helburua da ingurumenarekiko sentsibilizazioa eta garapen iraunkorraren aldeko kontzientziazioa lantzea eta sustatzea, eta, aldi berean, gure inguruko hainbat ingurumen-alderdiri balioa ematea.
Hori da aurten estreinatu den jardueretako baten helburua: Street Escape “Geldiarazi inbaditzaileak”. 8 urtetik gorakoentzako abentura-joko bat da, eta taldeek hainbat enigma eta buru-hausgarri konpondu behar dituzte Arkaitzi laguntzeko. Izan ere, Arkaitz oso despistatua da, eta espezie inbaditzaile bat eta autoktono bat nahastu ditu. Jarduera honen bidez, espezie exotiko inbaditzaileek gure inguruan sortzen dituzten arazoetan sakontzen da.
Gainera, ikasturte honetan, adin guztietako 5500 ikasle inguruk (eta hainbat elkartetako pertsona helduek) parte hartu dute hezkuntza-programetako batean, hala nola elikadura jasangarria, kontsumo arduratsua, birziklapena edo biodibertsitatearen kontserbazioa. Ikasturte honetan, gainera, Aretotik hezkuntza-eskaintza zabaldu egin da, “Esperimentazio-gela” programaren barruan hainbat tailer garatuz. Tailer horien helburua ingurumen-alderdiak modu praktikoan lantzea da. Lan horren ondorioz, helduen elkarteek eta herriko hainbat ikastetxek xaboiak egiteko aukera izan dute, beren ikastetxeetan sortutako olioa berrerabiliz, paper birziklatua egin ahal izan dute, edo birziklatzearekin lotutako hainbat alderdi landu ahal izan dituzte.
10:00etatik 14:30era eta 15:30etik 17:30era astegunetan, eta 10:00etatik 14:00etara asteburu eta jaiegunetan (abuztua itxita). Aretoa zabalik dago erakusketak, dortoketarako putzua, tximeleten oasia, arboretuma eta Ingurumen Aretoan aurkituko dituzun beste baliabide asko bisitatu nahi dituen edonorentzat (Larrañazubi auzoa, 12B zenbakia).
