ESKOLAKO AGENDA 2030

Gaur Getxoko Eskolako Agenda 2030 programaren ikasturte honetako azken koordinazio bilera ospatu dugu, Fadurako kiroldegian.
Bide batez, eskerrak eman nahi dizkiegu Eusko Jaurlaritzak bultzatzen duen programa honetan parte hartzen duten Getxoko ikastetxe guztiei eta Ingurugelako gure lankide Beatrizi, gero eta udalerri jasangarriagoa eta bidezkoagoa lortzeko egindako lanagatik.

Urtero bezala, irakasleek zein ikasleek egindako lana bikaina izan da, oraingo honetan 11. GJHaren inguruan, mugikortasun jasangarri, irisgarri eta inklusiboaren ikuspegitik.

Pilak oso kargatuta itzuliko gara datorren ikasturteko irailean, eta, gainera, berrikuntzekin. Dakizuenez, datorren ikasturteko oinarrietako bat udal mailan programan parte hartzen duten ikastetxe guztiek elkarrekin egingo duten ekintza eraldatzailea da. Udalerriko ikastetxe eta institutu guztietatik igaroko den bizikleta martxa bat izango da, herritarrak autoaren erabileraren inguruan sentsibilizatzeko eta oraindik egiten ez duten ikasleak beren ikastetxeetara modu jasangarrian joatera animatzeko. Horretarako, ikasleak arduratuko dira udalerri osoa lotuko duen bidegorria diseinatzeaz.

Gainera, oso adi egongo gara maiatzaren 4ko Udal Foroan adostutako konpromisoak eta proposamenak betetzeari.

Datorren ikasturtean ikusiko dugu elkar!