Ibaien aldeko Munduko Ekintza Eguna (Martxoak 14)
Urtero martxoaren 14an Ibaien aldeko Munduko Ekintza Eguna ospatzen da, ibaien zaintza eta babesa sustatzeko helburuarekin. Planetan betetzen dituzten zerbitzuak eta funtzioak kontaezinak badira ere, honako hauek aukeratu ditugu:
– Ibaiek biodibertsitateari eusten diote. Ibaiak zaintzen ditugunean, planetako biodibertsitatea zaintzen ari gara; izan ere, gure planetako 126.000 arrain, narrasti, molusku, landare, intsektu eta ugaztun espezie baino gehiago bizi dira ibai, laku eta hezeguneetan.
– Hiriei eta beste giza populazioei ura ematen diete.
– Herrien arteko komunikazio-bideak dira.
– Ura ematen digute nekazaritzarako eta abeltzaintzarako, industrietarako eta beste jarduera ekonomiko batzuetarako.
– Energia berriztagarria sortzen dute.
– Lur emankorrak sortzen dituzte ertzetan.
– Aisialdirako eta erlaxaziorako espazioak eskaintzen dituzte.
Ekintzara pasatzeko ordua da!
Horregatik guztiagatik, martxoaren 15ean hondakinen bilketa antolatu dugu Bolue inguruan, 11:00etatik (hezeguneko ponpa-etxetik) 13:00ak arte. Parte-hartzaileek, beharrezko materialez gain (eskularruak, kuboak, poltsak, etab.), doako hamaiketako osasungarri bat jasoko dute indarrak hartzeko.
Animatzen zara ekintzara pasatzera?
Recommended Posts
Trinitarias ikastetxea aintzatetsi duteIII. GJH Sarietan
June 23, 2025
TIGRE ELTXOA NAFARROAKO IPARRALDEAN EZARRI DA
June 12, 2025